Министрлер кабинетинин төрагасы А.Касымалиев Казакстандын президенти К.Ж.Токаев менен кыргыз-казак чек арасындагы жүк ташуучулардын кезек күтүүсүн жоюу үчүн электрондук система киргизүүнү, өткөрүлүп жаткан жүктү текшерүүнү жеңилдетүүнү талкуулашты.
Ошондой эле Кичи-Капка – Бесагаш жана Камышановка – Ак-Суу өткөрүү пункттарын ачуу боюнча жүргүзүлүп жаткан иштер тууралуу сүйлөшүштү.
Жыйынтыгында Кыргызстандын жана Казакстандын жарандарынын бакубатчылыгы үчүн жетишилген буга чейинки макулдашууларды ишке ашырууну жана аны бекемдөөнү макулдашты.