Сокулук районунун Күн-Туу айылында жаңы бала бакчанын курулушу аяктап калды. Бул тууралуу Курулуш, архитектура жана турак-жай коммуналдык чарба мамлекеттик агенттигинен билдиришти.
Жаңы бала бакча заманбап эки кабаттуу имараттан туруп, 140 балага ылайыкталган. Бала бакчанын аймагында коопсуз оюн аянтчасы орнотулган. Бул бала бакчаны курууга 54 млн сомду сарпталды.