Тоң районунун Бөкөнбаев айылында жакынкы арада мөмө-жемиштерден пюре чыгаруучу цех ачылат.
Ишкана күнүнө 25 тонна, же бир сезондо 1000 тоннага чейин даяр продукция өндүрөт. Ишкана абрикос, кулпунайды, малинаны кайра иштетип, жергиликтүүлөрдүн түшүм алуу учурунда көйгөйүн чечет. Себеби, түшүм алуу учурунда кээ бир убакытта элеттиктер алган түшүмүн өткөрө албай калган учурлар болот.
Ошондой эле ишкананын ачылышы менен абрикостун баасын туруктуу кармоо мүмкүнчүлүгү жаралат. Азыркы тапта өрүктүн баасын туруктуу кармоо үчүн аталган облуска жок дегенде дагы 8 даана ушундай кайра иштетүү ишканалар курулушу керек.