Бишкекте жыл башынан бери күйүүчү майды мыйзамсыз саткандарга 336 миң сом айып салынды.
Муниципалитеттен билдиришкендей, борбор калаада күйүүчү-майлоочу материалдар менен мыйзамсыз сооданы токтотуу боюнча рейддер улантылууда.
Иш-чаралар мыйзамсыз саткан сатуучулар дайыма турган жайларда – Профсоюз көчөсүн бойлой Фучик көчөсүнөн П.Лумумба көчөсүнө чейинки аралыгында, Достоевский көчөсүндө, Маевка МАБ аймагында жана башка жерлерде өтүүдө.
Белгиленгендей, ушул жылдын башынан бери Муниципалдык инспекция тарабынан мыйзамсыз күйүүчү май саткан 112 адамга 336 000 сомго айып салынган.