13-мартта саат 9.00дөн 18:00 гө чейин суу түтүктөрүн оңдоого байланыштуу Бишкектин айрым аймактарында ичүүчү суу токтотулат. Бул тууралуу шаардын мэриясы билдирди.
Өчүрүү Достоевский көчөсү, Анкара көчөсү, Ауэзов көчөсү жана темир жол менен чектелген аймактарда, ошондой эле «Алтын Ордо», «Кара-Жыгач», «Полицейский городок» конуштарында болот.
«Бишкексууканал» ишканасы келтирилген ыңгайсыздыктар үчүн кечирим сурап, калкты жана уюмдарды ичүүчү сууну эртелеп камдап алышын суранды.