1-апрелге чейин ЭТТН толугу менен жоюу боюнча чечим кабыл алуу пландалууда. Бул тууралуу Салык кызматынын төрагасынын орун басары Кубанычбек Исабеков билдирди. Айтымында ведомство тиешелүү сунушту президенттик аппаратка киргизет.
«Электрондук жол баракчалар дээрлик толугу менен жоюлду, үч категориядагы товарларды кошпогондо»,- деген Исабеков Спутниктеги маалымат жыйында.
Эске салсак, жакында эле салык кызматынын жетекчиси Алмамбет Шыкмаматов ЭТТН тамеки, спирт, дары-дармектер жана күйүүчү-майлоочу майлар үчүн калаарын билдирген. Ал эми чакан жана орто бизнес бул процедуралардан бошотулат.