Тажикстандын президенти Эмомали Рахмон 12-13-мартта Кыргызстанга болгон сапарында эки тараптуу документтерге, анын ичинде мамлекеттик чек ара боюнча келишимге кол коюлат.
Эске салсак, 21-февралда Бишкекте кыргыз-тажик чек арасын делимитациялоо боюнча өкмөттүк делегациялардын сүйлөшүүлөрүнүн жыйынтыгында келишим түзүлгөн. 27-февралда Жогорку Кеңештин алты комитети макулдашууну жактырган.
Кыргыз-тажик чек ара маселелери көп жылдардан бери талкууланып келген. Рахмондун сапарында бул келишимдин ратификациясы жана башка эки тараптуу кызматташтык маселелери каралат.