Жалал-Абад шаарында жаңы соода-логистикалык комплекс курулат. Бул тууралуу Мамлекеттик-жеке өнөктөштүк борбору маалымдады.
Маалыматта айтылгандай, аны «МСК групп» жеке ишканасы каржылайт, курат жана эксплуатацияга берет. Жалал-Абад шаарынын мэриясы менен «МСК групп» ишканасы аталган долбоор боюнча макулдашууга 12-мартта кол коюшкан.
Комплекс шаардын борборундагы 22 гектардан ашуун аянтка, мурдагы «Телтору» ипподромунун ордуна курулат.
Долбоорду курууга 57 млн АКШ доллары жумшалат.