Быйыл Нарын облусунда 8 жаңы энергетикалык объектинин курулушу пландалууда

Быйыл Нарын облусунда 8 жаңы энергетикалык объектинин курулушу пландалууда. Бул тууралуу Энергетика министрлигинен билдиришти.

Иштер Нарын электр тармактар ишканасы тарабынан аткарылат жана облустун инфраструктурасын жакшыртууга, энергетика тармагын өнүктүрүүгө жана ишкананын кызматкерлерине эмгек шарттарын түзүүгө багытталган. Анын ичинде:

1. Нарын РЭТнин административдик имаратынын курулушу;
2. Ат-Башы РЭТнин административдик имаратынын курулушу;
3. Жумгал РЭТнин административдик имаратынын курулушу;
4. Кочкор районунда темир-бетон мамычаларын өндүрүүчү цехтин курулушу;
5. Кочкор РЭТинде ремонттук цехтин курулушу;
6. 35/10 кВ “Талды-Суу” КЧнун куруу;
7. 110/35/10 кВ “Кур-Терек” КЧнунун куруу иштери;
8. Тогуз-Торо РЭТне 674 м2 түзгөн сактоо жайлары жана бокс аянтчаларын куруу каралган.

Бул долбоорлор Нарын облусунун калкына электр энергиясын туруктуу жана ишенимдүү камсыздоого багытталган.