Каттоону “Tunduk” айрым банктардын мобилдик тиркемелери же 1mektep.edu.gov.kg порталы аркылуу ишке ашырууга болот.
Ал үчүн “Мектепке электрондук кабыл алуу” бөлүмүнө өтүп, ал жерден сунушталган варианттарды тандооңуз керек. Мектептер чыныгы жашаган жери боюнча эмес, ата-энелеринин каттоосу боюнча сунушталат.
Ата-энелер 2018-2019-жылдары төрөлгөн балдардын каттоосун 1-июнга чейин тастыкташы керек.
2019-жылы төрөлгөндөр 1-класска, 2018-жылы төрөлгөндөр 2-класска катталат. 2019-жылы төрөлгөн балдар да «Наристе» мектепке чейинки даярдоо программасын бүтүргөн болсо, 2-класска бара алышат.
Тастыкталгандан кийин дароо окутуу тилин тандоо керек. Аны кийинчерээк өзгөртө албайсыз.
Эгер сиз балаңызды сунушталган мектептерге киргизүүдөн баш тартсаңыз, анда ал орунга кайра тапшыра албай каласыз
Экинчи этап 2-июнда башталып, ага сунушталган окуу жайга каттоодон баш тарткандар катыша алышат. Бул этапта бош орундар бар башка мектепти тандап алууга болот.