4-июнда Жогорку Кеңештин айым депутаттар форумунун жыйынында Эверестти багындырган Асель Байбагышева жана Рысгүл Акимжановага Жогорку Кеңештин Ардак грамотасы жана Ыраазычылык каты тапшырылды.
Маалыматка ылайык, депутаттар дүйнөнүн эң бийик чокусу Эверестке эрки күчтүүлөр гана чыгарын белгилеп, кыргыздын кыйын кыздарынын тизмеси Асель Байбагышева жана Рысгүл Акимжанова менен толукталганын айтышты.
Ошондой эле жыйында эл агартууга кошкон салымы үчүн мугалим Жылдыз Койчумановага Жогорку Кеңештин Ардак грамотасы ыйгарылды.