Кыргызстанда 1-майдан баштап электр энергиянын тарифтери өзгөрөт. Бул тууралуу Энергетика министрлигинен билдиришти.
Электр энергиянын баасын көтөрүү эмне үчүн керек?
«Электр энергияны көбүрөөк керектеп жатабыз. Акыркы 10 жылда керектөө бир топ өстү. Жабдуулар эскирди. Электр станциялары менен түйүндөрдү жаңылоо зарыл, бул көп каражатты талап кылат. Тарифтер өзүн актабайт. Электр энергияны өндүрүүнүн өздүк наркы керектөөчүлөр төлөгөн баадан кымбат турат. Калган чыгымды мамлекет жабат. Бирок бул узак мөөнөттүү чечим боло албайт.
Тарифтердин өзгөрүшү үзгүлтүксүз электр энергия менен камсыздоого жана энергетика системасын жаңылоого өбөлгө түзөт»,— деп айтылат маалыматта.