АКШнын мурдагы президенти Жо Байденге простата рагы диагнозу коюлганын анын кеңсеси билдирди. Бул тууралуу BBC маалымдады.
Маалыматка ылайык, өткөн жума күнү Байденде Глисон шкаласы боюнча 9 баллдык деңгээлдеги, жогорку даражадагы простата рагы аныкталган.
«Оору агрессивдүү түрдө жүрүп жатканына карабастан, рак гормондорго жооп кайтарып жатканы аны дарылоого жакшы мүмкүнчүлүк түзөт», — деп айтылат билдирүүдө.
Байден жана анын үй-бүлөсү учурда дарылоо жолдорун караштырып жатканы белгиленди.
Улуу Британиядагы Cancer Research уюмунун маалыматына ылайык, Глисон шкаласы боюнча 9 балл оору өтө жогорку даражадагы рак болуп эсептелет жана бул түрү рак клеткаларынын организмде ылдам жайылышына алып келиши мүмкүн.