1-майдан тарта “Ала-Арча” жаратылыш паркында от жагууга жана шишкебек кылууга тыюу салынарын президенттин иш башкармалыгынын жетекчиси Каныбек Туманбаев билдирди.
Мындан тышкары, сейил бакка кирүү акысы жогорулатылды: жеңил унаалар үчүн — 700 сом, ал эми кичи автобустар үчүн — 1200 сом.
Буга чейин ошондой эле «Ала-Арча» сейил багына жеке унаалардын кирүүсүнө тыюу салынары белгилүү болгон. Ал жерде электр машиналары жүрөт. Эс алуучулар унааларын кире бериште калтырып, андан соң кириши керек болот.