Агартуу министрлиги 1-2-класстарга жасалма документтер менен катталгандар аныкталганын маалымдады. Буга чейин мэрия дагы Бишкекте ата-энелер балдарын белгилүү мектепке бериш үчүн шылуундук схема колдонгонун кабарлаган. УКМК мектепке жасалма документ менен катталгандар боюнча текшерүү баштады.
«Бишкектеги №29 мектеп боюнча 86 бала мыйзамсыз катталганы белгилүү болду. Башка мектептерде да аныкталууда. Натыйжада мыйзамсыз жазылгандардын каттоосу жокко чыгарылып, бул орундарга ошол микроучастокто жашаган балдар кабыл алынышы мүмкүн», — деп билдирди министрлик.
Маалыматка ылайык, тизмеден чыгып калгандар 2-июнда баштала турган 1-2-класстарга каттоонун экинчи этабында кайрадан жазылса болот.