2025-жылдын 12-сентябрында БУУнун Башкы Ассамблеясынын 142 мүчө мамлекет тарабынан колдоого алынган «Палестина маселесин тынчтык жолу менен чечүү жана эки мамлекеттүү чечимди ишке ашыруу боюнча Нью-Йорк декларациясын колдоо» резолюциясынын кабыл алынышын кубаттайм. Ошондой эле Палестина мамлекетин тааныган БУУнун мүчөлөрүнүн саны акыркы таануу чечимдеринин натыйжасында 157ге жеткенин жогору баалайм.
Эл аралык укукка жана тиешелүү БУУнун резолюцияларына шайкеш келген бул кадамдар, палестин элинин мыйзамдуу укуктарын бекемдеп, эки мамлекеттин чечимине негизделген адилеттүү жана туруктуу тынчтыкка жол ачууда.
Бул демилге Газадагы кайгылуу кырдаалдын токтошунa, гуманитардык жардамдын үзгүлтүксүз жеткирилишине, ок атышуунун токтотулушуна жана сүйлөшүүлөрдүн кайрадан башталышына өбөлгө болот деп үмүттөнөм.