Бишкек шаарында бүгүнтөн тартып жаңы электробустар каттап баштады. Муниципалитеттин маалыматына караганда, алар алгачкы этапта № 4, № 10 жана № 11 каттамдарына чыгарылды. Жакынкы күндөрү № 14, № 66 жана № 33 каттамдарга да электробустар кошулмакчы.
Жаңы киргизилген № 66 жана № 33 багыттары шаар ичиндеги кыймылды жеңилдетүүгө багытталса, мурда троллейбустар жүргөн № 11 каттам эми заманбап электробустар менен тейленет.
Эске сала кетсек, 2025-жылдын башында Кытайдан 120 электробус алып келинип, мурдагы Троллейбус башкармалыгынын ордуна ДЕПО-1 жана ДЕПО-2 толугу менен реконструкцияланып, жаңы техникаларды тейлөөгө ылайыкташтырылган. Бул өзгөрүү Бишкектин коомдук транспортун жаңыртып, экологиялык жактан таза жана ыңгайлуу каттамдарды түзүүгө шарт түзөт.