Бишкек шаарында 12-апрелде “Жаз деми” аттуу чуркоо жарышы өтөт. Бул тууралуу шаардык мэрия маалымдады.
Маалыматка ылайык, иш-чарага 25тен ашык өлкөдөн келген 4500гө жакын катышуучу катышып, 5 км, 10 км жана 21,1 км аралыкта чуркашат.
Жарыштын багыты өткөн жылдагыдай эле “Газпром-балдарга” дене тарбия жана ден соолукту чыңдоо комплексинин аймагында уюштурулат. Тактап айтканда, маршрут төмөнкү көчөлөрдү камтыйт:
- Жайыл баатыр көчөсү (Алыкулов көчөсүнөн Садырбаев көчөсүнө чейин);
- А. Масалиев көчөсү (Садырбаев көчөсүнөн Бакаев көчөсүнө чейин).
Ушуга байланыштуу 12-апрелде саат 05:00дөн 13:00гө чейин Жайыл баатыр жана А. Масалиев көчөлөрүнүн Алыкулов көчөсүнөн Бакаев көчөсүнө чейинки түштүк тарабы убактылуу жабылат.