Бүгүн Балыкчы шаарындагы «Эдельвейс» окуу борборунда ЖККУнун Борбор Азия регионунун тез жайылтуучу жамааттык күчтөрүнүн «Чек-2025» командалык-штабдык машыгуулары башталды. Бул тууралуу Коргоо министрлигинин басма сөз кызматы билдирди.
Машыгуунун негизги темасы — мыйзамсыз куралдуу топторду жок кылуу боюнча күжүрмөн аракеттерди даярдоо жана өткөрүү.
Ачылыш аземине ЖККУнун башкы катчысы Имангали Тасмагамбетов, Кыргызстандын коргоо министринин биринчи орун басары Эрлис Тердикбаев, президенттин Ысык-Көл облусундагы өкүлүнүн биринчи орун басары Данияр Арпачиев, Балыкчы шаарынын мэри Баатырбек Жантаев жана башка расмий өкүлдөр катышты.
ЖККУнун башкы катчысы аймактагы негизги коркунуч катары Жакынкы Чыгыштан радикал-экстремисттик топтордун жылып келүү ыктымалдыгын белгиледи.
Машыгууларга:
-
1200гө жакын аскер кызматкери,
-
500гө жакын аскердик жана атайын техника, анын ичинде учактар, тик учактар жана дрондор тартылган.
Орусиялык контингенттин негизин 201-аскердик базанын аскерлери түзүүдө.
Ачылыш аземи бардык бөлүктөрдүн жүрүшү менен жыйынтыкталды.