Депутаттардын «көк бөрү оюнун жок кылууга аракеттер болууда» деген сөздөрүн Дене тарбия жана спорт мамлекеттик агенттиги четке какты.
Ошондой эле аталган агенттик Нооруз майрамына карата өткөрүлчү турнир убактылуу токтотулганын, бирок көк бөрү оюнуна толугу менен тыюу салынбаганын белгилеп өттү.
Маалыматка ылайык, алар жакында Көк бөрү федерациясы менен жоопкерчилик нормалары так жазылган кызматташуу келишимин биргеликте иштеп чыгышат. Мындан тышкары, көк бөрү боюнча калыстарды жана оюнчуларды жаңы эрежелерге окутуу пландалганы айтылды.