Өлкө башчынын маалымат кызматы кодекс коомчулукта ири нааразылык жаратканын эске салды.
“Мамлекет башчысы бул чечимин Кыргызстанда жеке менчик кол тийгис экендиги менен түшүндүрөт. Эгерде огород же турак жай турган жер мамлекеттик максатка зарыл болсо, анда анын ордуна компенсация төлөнүп, же башка жерден тийиштүү жер тилкеси сунушталышы керектиги белгиленди”, — деп жазды Алагөзов.
Билдирүүдө парламент кабыл алган кодекстин бир катар жобосу Конституцияга жана башка мыйзамдарга каршы келери белгиленген.
Президент жер участогунун менчик ээсинин өлчөмүнө жараша компенсация алууга укугу чектелерин жана «калыбына келтирүү наркы» термини жок экенин эске алган.