Президенттин иш башкаруучусунун орун басары Алмаз Раимбеков экологдор мөңгүлөр 35 жылда толук эрип кетишин эскерткенин белгилеп, 7 млрд. көчөт отургузуу кооптондурган бул процессти жайлатууга көмөк кыларын айткан.
«7 миллиард дарак отургузуу мүмкүнбү? Ооба, эгер тез арада жана биргеликте иш баштасак. Кытай акыркы кырк жылда 66 миллиард дарак отургузуп, чөлдөөнү токтотту. Эгер азыр баштабасак, 35 жылдан кийин кеч болуп калат», — деп жазган ал.
Орун басар жетекчи эгерде бул жаатта иш азыр башталбаса экологиялык апаатка даярданууга туура келерин кошумчалаган.