8-апрелде суу түтүктөрүн оңдоо иштерине байланыштуу Бишкек шаарынын бир бөлүгүндө ичүүчү суу убактылуу токтотулат. Бул тууралуу шаар мэриясы кабарлады.
Суу төмөнкү көчөлөр менен кездешкен аймакта өчүрүлөт:
- Ала-Арча суусу — темир жол — Жибек-Жолу пр. — Ж. Гвардия бульвары;
- Ж. Гвардия бульвары — темир жол – Фрунзе көчөсү – Манас проспектиси;
- Д. Сяопин проспектиси — Ала-Арча суусу – Бөкөнбаев – Кулиев – Москва – Фучик – Казаков көчөлөрү;
«Бишкексууканал» ишканасы келтирилген ыңгайсыздыктар үчүн кечирим сурап, тургундарга ичүүчү сууну эртелеп камдап алышын эскертет.