Бишкектеги тазаланган таштанды полигонуна отургузулган бактар бүчүр байлады, эми тамчылатып сугаруу ыкмасы колдонулат. Бул тууралуу Президенттин администрациясы кабарлады.
«Карга-кузгун байырлап, түтүн каптаган полигон эми жашыл бакка, токойго айланат. Ал жерге таштандыны кайра иштеткен завод курулуп жатат. Мурдагыдай талааны каптаган акыр-чикир болбойт. Таштанды заводдо күйгүзүлүп, андан электр энергиясы өндүрүлөт. Калдыктары курулуш багытында иштетилет«, — деп жазган Дайырбек Орунбеков.