Акыркы жылдарда жер жүзүндө климат өзгөрүлүп, анын кесепетинен ар кандай табийгый жаратылыш кырсыктары болуп жатканын көрүп жатабыз.
Өткөн аптада Россиянын Камчатка жарым аралынын жээгинде 8,8 баллдагы жер титирөө катталды. Аны улай эле деңиз суусу көтөрүлүп Француз Полинезиясында, Чилиде цунамилер болду. Сейсмологдордун айтымында, бул аймакта бир ай ичинде дагы 7,5 баллдык жер силкинүүлөр кайталанышы мүмкүн. Бул зилзаладан көп өтпөй 1463-жылдан бери “уйкуда жаткан” Камчатка аймагындагы Карашенинникова жанар тоосу атылып, вулкан күлү 6 миң метр бийиктикке чейин көтөрүлүп чыккан.
Мелис СОВЕТ уулу,
«Кыргыз Туусу»