Бүгүн, 20-январга карата Кыргызстандын бардык ашууларында жол ачык болуп, унаа каттамы үзгүлтүксүз жүрүүдө. Бул тууралуу Транспорт жана коммуникациялар министрлиги маалымдады.
Маалыматка ылайык, «Кыргызавтожол-Түндүк» жана «Кыргызавтожол-Түштүк» мамлекеттик ишканалары тарабынан жолдорду кардан тазалоо жана кум-туз аралашмасын себүү иштери үзгүлтүксүз жүргүзүлүүдө.
Министрлик айдоочуларды жол эрежелерин так сактоого, каршы тилкеге чыкпоого жана кышкы шартка ылайык керектүү шаймандарды ала жүрүүгө чакырат.