Сот тутумунда азыр кураторлор жок. Бул тууралуу Жогорку соттун төрагасы Медербек Сатыев Кыргызстандагы ММК өкүлдөрү жана эркин журналисттер менен жолугушканда билдирди.
Журналисттер буга чейин Президент Садыр Жапаровдун Жогорку Кеңеште сот бийлигиндеги кураторлор жөнүндөгү билдирүүсү боюнча Медербек Сатыевдин пикирин сурашты.
“Мурда кураторлор болуп келгени жашыруун эмес. 2020-жылдан бери сот тутуму андай терс көрүнүштөрдөн арылып келе жатат. Мен азыр ишенимдүү түрдө айта алам, мурдагыдай сот бийлигин тейлеген кураторлор жок. Ар бир чечим адилеттүү кабыл алынып жатат”, — деди төрага.