1-майдан 11-майга чейин Бишкектен Ала-Арча жаратылыш паркына жарым-жартылай экспресс автобус каттамы уюштурулат.
Маалыматка ылайык, каттамдын акыркы аялдамалары Т.Усубалиев атындагы аянтта жана Ала-Арча жаратылыш паркында жайгашат.
Жол кире накталай төлөөдө – 50 сом, накталай эмес төлөөдө – 40 сом болот. Автобустар саат 08:00дөн 19:00гө чейин каттап, зарыл болгон учурда иш тартиби кайрадан каралып чыгатры айтылды.
Каттамды газ менен жүргөн 12 метрлик заманбап ISUZU автобустары тейлейт.
Мындан тышкары, Ала-Арча жаратылыш паркынын ичинде акысыз негизде эки жаңы электробус каттары маалымдалды.