Санариптик өнүгүү жана инновациялык технологиялар министри Азамат Жамангулов БУУнун Кыргызстандагы туруктуу координатору Антье Граве менен жолугушту.
Маалыматка ылайык, жолугушуу учурунда санариптик жаатта эки тараптуу кызматташтыкты, анын ичинде инклюзивдик санариптик чечимдерди колдоо, электрондук башкарууну өнүктүрүү, санариптик сабаттуулук жана инфратүзүмдү өнүктүрүү маселелери талкууланды.
Тараптар өлкөнүн санариптик өнүгүүсү алкагында биргелешкен санариптик демилгелерди иштеп чыгууга даяр экендиктерин билдиришти.