28-апрелден 30-апрелге чейин Бишкек – Нарын – Торугарт унаа жолунун 131-чакырымында, Боом капчыгайынын аймагында 09:00дөн 15:00гө чейин кооптуу таштар атайылап түшүрүлөт. Бул тууралуу «Кыргыз темир жолу» билдирди.
Иш учурунда Жол кыймылынын коопсуздугун камсыздоо башкармалыгынын кызматкерлери тарабынан жол жарым-жартылай жабылат. Жол тазаланган учурда унаалар бир тилке менен өткөрүлөт.
«Бул иш унаа жана темир жол кыймылынын коопсуздугун камсыздоо максатында уюштурулууда», — деп айтылат маалыматта.