Энергетика министрлигине заманбап жабдуулар берилди. Иш чарага министрлер кабинетинин башчысы Адылбек Касымалиев катышты. Бул тууралуу өкмөттүн маалымат кызматы билдирди.
«Бүгүн 102 миллион сомдон ашык акчага сатылып алынган 19 бригаданын жана 35 кызматтык унаанын ачкычын тапшырып жатам»,
— деди Касымалиев.
Ал 54 бирдик жабдыктын баары ата мекендик заводдо өндүрүлгөнүн, бул «улуттук өндүрүштүн өсүшүнүн жана өлкөнүн инженердик-техникалык потенциалынын өнүгүүсүнүн далили» экенине токтолду. Энергетиктерге кайрылып, ал аларды жаңы техникага аяр мамиле жасоого чакырды.