«Бул мага Трамптын айтканы. Мен түшүнөм, алар муну Путин менен талкуулашты, эки тараптуу форматта тиешелүү меморандум болушу мүмкүн. Меморандум эки өлкө тарабынан ок атышууну токтотууну дагы камтыйт», — деди ал брифингде.
Трамп менен сүйлөшкөндө Зеленский Украина Орусия менен түз сүйлөшүүлөргө даяр экенин ырастады. Ал жолугушуу өткөрүүчү жерлер катары Түркия, Ватикан жана Швейцарияны атады.
Ошондой эле, Зеленскийдин айтымында, Киев АКШнын, Украинанын, Россиянын жана Европа өлкөлөрүнүн “бардык командаларынын” жолугушуусу мүмкүнчүлүгүн карап жатат.
Зеленский Украина өзүнүн аймагынан аскерлерин чыгарбасын, НАТОго кирүү багытынан баш тартпастыгын жана Орусия талап кылгандай бейтарап статусун жарыялабай турганын ачык айтты. «Украинанын статусу бар, ал өлкөнүн Конституциясында — баары ошол жерде жазылган», — деп баса белгиледи ал.