Садыр Жапаров кечээ, 21-майда, Будапешт шаарындагы Кыргыз Республикасынын Элчилигинин жаңы имаратын көрүп чыкты.
Мамлекет жалпы аянты 480 чарчы метр болгон имаратты 2024-жылдын январь айында Будапешттин престиждүү районунан сатып алган.
«Дүйнө жүзү боюнча мүлк сатып алууну улантып жатабыз. Акыркы 30 жылда биз Нью-Йорк, Вашингтон сыяктуу ири шаарларда мүлктү ижарага алганбыз. Эгерде 10 жыл мурда сатып алсак, эмдигиче өзүн актамак. Ошону менен бирге мүлк Кыргызстандын менчигинде түбөлүккө калмак«, — деген Садыр Жапаров.