26-майда Эдиль Байсалов Бишкектеги көрүү мүмкүнчүлүгү чектелген жана азиз балдарга арналган жалпы билим берүүчү атайын мектеп-интернаттагы “Акыркы коңгуроо” салтанатына катышты.
Ал бүтүрүүчүлөргө, мугалимдерге жана ата-энелерге кайрылып, алардын эмгегине, чыдамкайлыгына жана өжөрлүгүнө ыраазычылыгын билдирди. Ал инклюзивдик билим берүүнүн адилеттүү коомду куруудагы жана ар бир бала үчүн тең мүмкүнчүлүк жаратуудагы маанилүүлүгүн баса белгиледи.
«Бүгүн өлкөнүн бардык булуң-бурчунда акыркы коңгуроо жаңырып жатат. Бул миңдеген үй-бүлөлөр үчүн маанилүү жана толкундуу учур. Бирок бул жерде — күн сайын кыйынчылыктарды жеңип жаткан балдардын арасында — бул учур өзгөчө мааниге ээ. Биз сиздер менен сыймыктанабыз жана келечегиңиздерге ишенебиз!» — деди Байсалов.
Тактап кетсек, быйыл өлкө боюнча 80 миңден ашуун окуучу мектепти аяктады.