Кыргызстанда 2025-жылдын 1-октябрынан тарта пенсиялар жогорулады. Социалдык фонд индексациялоо жүргүзгөндөн кийин өлкө боюнча орточо пенсия 11 миң 226 сомду түздү.
Социалдык фондтун маалыматына ылайык, пенсиялардын көбөйүшү 818 миң 700дөн ашык пенсионерге тиешелүү жана бул үчүн болжол менен 2,04 миллиард сом бөлүнөт.
Пенсияларды индексациялоо механизми:
50 миң сомго чейинки пенсиянын камсыздандыруу бөлүгү 1,1 коэффициенти менен индексацияланды, минималдуу жогорулатуу 600 сомду түзөт.
50 000 сомдон жогору пенсиялар үчүн индексация 5 000 сомго чейин чектелди.
Пенсиянын минималдуу жалпы өлчөмү (кошумчалар менен) 1-октябрдан тарта 7 100 сом болду.
Эске салсак, пенсия алуу жашы мурдагыдай: аялдар үчүн 58, эркектер үчүн 63 жаш.