АКШ Сенаты федералдык чыгымдарды каржылоочу мыйзамдарды кабыл ала албай калды. Натыйжада өлкөдө шатдаун башталып, бир катар мамлекеттик мекемелер ишин убактылуу токтотту.
Республикачылар сунуштаган мыйзам долбоорун 55 сенатор колдоп, 45 каршы чыкты, демократтардын сунушу 47 добуш алды, 53 каршы болду. Сенатта мыйзамды кабыл алуу үчүн 60 добуш керек болчу.
Демократтар республикачыларды «политикалык максатта шатдаунду демилгелеп жатышат» деп айыптоодо. Алар ошондой эле медициналык камсыздандыруу үчүн салык жеңилдиктерин узартуу, Medicaid программасын сактоо жана улуттук саламаттыкты сактоо мекемелеринин бюджетин кыскартпоону талап кылууда.