Президент Садыр Жапаров Тажикстандын президенти Эмомали Рахмондун чакыруусу менен 8-9-июлда жооп иретиндеги мамлекеттик сапары менен Дүйшөмбү шаарына барат.
«Мамлекеттик сапардын алкагында Тажикстан Республикасынын президенти Эмомали Рахмон менен эки жактуу сүйлөшүүлөр, ошондой эле парламенттин эки палатасынын спикерлери жана өлкөнүн премьер-министри менен жолугушуулар мерчемделген.
Кыргызстан менен Тажикстандын мамлекет башчыларынын биргелешкен билдирүүсүн кабыл алуу, ошондой эле бир катар эки тараптуу документтерге кол коюу күтүлүүдө.
Мындан тышкары, сапардын алкагында кыргыз-тажик экономикалык жана инвестициялык форуму, ошондой эле эки өлкөнүн искусство ишмерлеринин катышуусунда «Түбөлүк достук» концерти өтөт», — деп билдирди Кыргыз Республикасынын Президентинин администрациясынын тышкы саясат бөлүм башчысы Сагынбек Абдумуталип.