Google компаниясы Орусияга байланыштуу 2000ден ашуун YouTube аккаунттарын өчүрдү. Бул тууралуу CNN жазып, чечим маалыматты бурмалоого жана координацияланган маалыматтык таасирге каршы күрөштүн алкагында кабыл алынганын билдирди.
Компаниянын Threat Analysis Group бөлүмү билдиргендей, өчүрүлгөн каналдар ар түрдүү тилде бир тараптуу мазмундагы контент таратып, Украина, НАТО жана Батыш өлкөлөрүн сындаган.
Мындан тышкары, Google ушул эле мезгилде Кытайга байланыштуу 7700дөн ашуун каналдарды да жапты. Алар Кытайды оң сүрөттөп, Си Цзиньпинди колдогон жана АКШнын тышкы саясатын талдаган материалдарды жарыялап турушкан.