Кыргызстандык режиссер Алтынай Адамалиеванын кыска метраждуу документалдык тасмасы «Аска» Бириккен Улуттар Уюмунун Азык-түлүк жана айыл чарба уюмунун (ФАО) «Осирис» сыйлыгын утуп алды. Сыйлык Словакияда «Агрофильм-2025» эл аралык кинофестивалында тапшырылды.
Фильмдин башкы каарманы — Замира, тоолуу аймактагы кыргыз фермер айымы. Ал шаардагы жашоодон баш тартып, 3,5 миң метр бийиктиктеги жайлоодо топоз багып, техника оңдоп, айыл чарбадагы аялдардын ордун жана күчүн чагылдырат.
«Аска» тасмасы айыл чарбадагы аялдардын ролун жана алардын коомдогу маанисин баса белгилейт. «Агрофильм» кинофестивалы жыл сайын Словакияда өтүп, айыл турмушу менен айыл чарбадагы жетишкендиктерге арналат.