12-ноябрда билим берүү министри Догдуркүл Кендирбаева, орун басары Надира Джусупбекова, Россиянын Элчилигинин биринчи катчысы Алексей Пойда жана Орус кызматташтыгынын Кыргызстандагы өкүлү Альберт Зульхарнеев Россиядан келген жаңы окуу китептери сакталган кампада болушту.
Жалпы 651 миң даана китеп 12 жылдык билим берүүгө ылайык жаңы мамлекеттик стандарттардын негизинде даярдалган. Министр Кендирбаева бул окуу куралдары эки өлкөнүн авторлорунун биргелешкен эмгегинин натыйжасы экенин белгиледи.
Китептер 1-, 2-, 5- жана 7-класстар үчүн даярдалып, Кыргызстандын Агартуу министрлиги менен Россиянын «Просвещение» компаниясынын ортосундагы меморандумдун алкагында алынып келинген.
Жакынкы күндөрү окуу куралдары өлкөдөгү бардык мектептерге таратылат.