Кыргызстанда 2025-жылы орточо эмгек акы дээрлик 10%га өсүп, жумушсуздук деңгээли төмөндөгөнү маалым болду. Бул тууралуу ЕАЭБди координациялоо башкармалыгынын башчысы Элимбек Каныбек уулу билдирди.
Анын айтымында, маалыматтар статистика жана комиссиянын баалоолоруна негизделген. Чымкентте өтө турган Евразия өкмөттөр аралык кеңешинин жыйынында макроэкономикалык саясат боюнча баяндама сунушталат. Анда учурдагы абал жана келечекке божомолдор камтылат.
Маалыматка ылайык, Кыргызстанда инвестициялардын өсүшү тездеп, 2026–2027-жылдары да туруктуу өнүгүү күтүлүүдө. ИДП өсүшү болжол менен 9% деңгээлинде болуп, өлкө ЕАЭБ ичинде лидерлик позициясын сактап калары айтылды.
Жыйынтыгында, Кыргызстандын экономикасы туруктуу өсүштү жана оң тенденцияны көрсөтүп жатканы белгиленди.