Министрлер кабинети “Кыргыз спутник” ачык акционердик коомун түзүү тууралуу чечим кабыл алды.
Маалыматка ылайык, жаңы мамлекеттик компания космостук технологияларды колдонуп, жаратылыш ресурстарын башкарууга жардам берет. Ал айыл чарба, экология, климат жана өзгөчө кырдаалдарды көзөмөлдөөгө багытталат.
Компаниянын негиздөөчүсү — Айыл чарба министрлиги. Ал эми негизги инфраструктура Каракол шаарында өнүктүрүлөт.
Бул долбоор өлкөнүн технологиялык өнүгүүсүнө, коопсуздугуна жана экономикасына оң таасир берет деп күтүлүүдө.