Сот адилеттиги боюнча кеңеш жергиликтүү соттордун бош орундарына судьяларды тандоо үчүн компьютердик тестирлөөнү аяктады. Конкурска 265 талапкер документ тапшырган. Алардын ичинен 4 киши уруксат албастан, 1 талапкер конкурстан баш тарткан.
Тестирлөөгө чакырылган 138 талапкердин ичинен 73 киши босого баллдан өтүп, кийинки этапка өткөн. Тестирлөөгө 9 киши катышкан эмес. Босого балл алган талапкерлерге экзаменди тапшыргандыгы тууралуу сертификат берилет, ал 2 жылга чейин жарактуу.
Конкурстун кийинки этаптары — жазуу тапшырмасын аткаруу жана документтерди баалоо, кесиптик сапаттарды аныктоо үчүн маектешүү.