Бишкек — Ош жолунда эреже бузууларды аныктаган камералар иштей баштады. Бул тууралуу ЖКККББнын маалымат кызматынан кабарлашты.
Аппараттык-программалык комплекстер аталган жолдун Чүй облусунун аймагындагы бөлүктөрүндө иштеп баштаган.
Система төмөнкү укук бузууларды аныктайт:
-Белгиленген ылдамдыктын чегинен ашыруу;
-Карама-каршы тилкеге чыгуу;
-Кызыл чыракка өтүү;
-Коопсуздук курун тагынбоо;
-Жол белгилеринин жана чийиндердин талаптарын аткарбоо;
-Мамлекеттик номери жок, жасалма же окулбаган абалда жүрүү;
-“Коопсуз шаардын” камераларына түшүп, төлөнбөгөн айып пулдар.
Мекеме комплекстер “Коопсуз өлкө” долбоорунун алкагында республиканын аймактарында жол кыймылынын коопсуздугун камсыздоо максатында киргизилгенин кошумчалады.