Бишкек шаарынын мэри Айбек Джунушалиев “Бишкек шаардык транспорт” ишканасынын айдоочулары менен жолугушуп, коомдук транспорттогу маселелерди талкуулады.
Жолугушууда жол эрежелерин так сактоо, аялдамаларда гана токтоо жана жүргүнчүлөрдүн коопсуздугуна өзгөчө көңүл буруу керектиги айтылды.
Ошондой эле жүргүнчүлөргө эрежелерди түшүндүрүү иштерин күчөтүү маанилүү экени белгиленди. Айдоочулардын айлыгы жана коомдук транспортто накталай эмес төлөмгө өтүү маселеси да көтөрүлдү.
Мэрия жакын арада бул багытта жаңы долбоорду шаардык кеңешке сунуштап, айлыкты 30%га чейин этап-этабы менен көтөрүү жана төлөм системасын жаңылоо пландалып жатканын билдирди.