Астанадагы көчөлөрдүн бирине мамлекеттик ишмер Жусуп Абдрахмановдун ысымын ыйгаруу сунушталды. Бул тууралуу Жогорку Кеңештин басма сөз кызматы билдирди.
Маалыматка ылайык, демилгени парламент төрагасы Марлен Маматалиев Стамбул шаарында Казакстандын Мажилис төрагасы Ерлан Кошанов менен жолугушууда көтөрдү.
Жолугушууда тараптар Кыргызстан менен Казакстандын ортосундагы саясий-экономикалык, маданий-гуманитардык байланыштарды кеңейтүү жана парламенттер аралык кызматташтыкты өнүктүрүү маселелерин талкуулашты.