Эдил Байсалов Женевада БУУнун Адам укуктары боюнча кеңешинде Палестинадагы кырдаалга өзгөчө көңүл буруп, дүйнө коомчулугун адилеттик үчүн чечкиндүү аракеттерге чакырды.
«Палестина калкын мажбурлап көчүрүү аракеттери этникалык тазалоодон башка эч нерсе эмес. Биз мындай демилгелерди четке кагып, эл аралык коомчулукту бүтүндөй элди жамааттык жазалоонун алдын алууга чакырабыз», — деди ал. Кыргызстан палестин элинин өзүн-өзү аныктоо укугун колдой тургандыгын ырастады жана узак мөөнөттүү тынчтык Эл аралык укукту урматтоо жана тең укуктуу диалог аркылуу гана мүмкүн экендигин баса белгиледи.