Бишкек шаарынын Орто-Сай базарында ротордук унаа токтотуучу жай курулуп жатат. Бул тууралуу шаар мэриясы кабарлады.
Маалыматка ылайык, 10 автоунаа бата турган аталган парковка текшерүүдөн өтсө, ишке бериле баштайт.
Парковканы мэриянын Муниципалдык мүлктү башкаруу боюнча департаментине караштуу «Муниципалдык унаа токтоочу жайлар, унаа туруктары жана базарлар» ишканасынын адистери менен «Могилёвлифтмаш» ишканасынын өкүлдөрү биргеликте курууда.
Мэрия жетиштүү орундары бар аймактарга көп кабаттуу унаа токтотуучу жайларды куруу пландалып жаткандыгын, ал эми аянты чектелүү аймактарга ротордук парковка системалары куруларын билдирди.