Кыргызстандын бокс боюнча курама командасы Казакстандын Түркстан шаарында өткөн Бекзат Саттархановдун жаркын элесине арналган эл аралык мелдештен жалпы үч медаль утуп алды. Бул тууралуу Дене тарбия жана спорт мамлекеттик агенттиги маалымдады.
Мелдеш жыйынтыгында кыргыз спортчулары 1 алтын жана 2 коло медалга ээ болушту.
54 кг салмак категориясында Милана Шихшабекова алтын медалга татыктуу болуп, мелдештин жеңүүчүсү аталды.
60 кг салмакта күч сынашкан Аделя Асылбек кызы жана 63.5 кг салмактагы эркектер таймашында Дилербек Садиров коло байгеге ээ болушту.
Кыргыз курамасы мелдешке башкы машыктыруучу Рустам Есенкуловдун жетектөөсүндө катышты.