Эмгек, социалдык камсыздоо жана миграция министрлигинин Россиядагы өкүлчүлүгү 16 жаранга 2 млн рублдан ашык эмгек акысын өндүрүүгө жардам берди.
Маалыматка ылайык, Кыргызстандын 16 жараны «СПС-К» ЖЧК эмгек акыны төлөбөй жаткандыгы боюнча жамааттык кайрылуу жасашкан.
Өкүлчүлүктүн кызматкерлери жумуш берүүчү — «СПС-К» ЖЧКсы менен жүргүзүлгөн сүйлөшүүлөрдүн жана өз ара аракеттенүүнүн жыйынтыгында эмгек акы боюнча карыз толугу менен төлөндү. Кыргызстандын жарандарынын пайдасына жалпы 2 млн 293 миң рубль берилди. Бул сумма мурда көрсөтүлгөн карызга толук туура келери айтылды.
Өкүлчүлүк Россиянын аймагында жүргөн мекендештерди эмгек укуктарын коргоо жана ушул сыяктуу жагдайлар жаралган учурда кайрылууга чакырат.